12-bob. Quvib oʻtish

Quvib oʻtishni boshlashdan oldin haydovchi chapga burilishni bildiruvchi ishorasini yoqib:

• oʻzi oʻtmoqchi boʻlgan harakatlanish boʻlagi quvib oʻtish uchun yetarlicha masofada boʻsh ekanligiga, quvib oʻtish jarayonida harakatlanishga xavf tugʻdirmasligiga va boshqa harakat ishtirokchilariga xalaqit bermasligiga;
• shu tasmada orqada harakatlanayotgan transport vositasi quvib oʻtishni boshlamaganligiga;

  • A chapga burilish ishorasini yoqdi, ammo orqadagi C allaqachon quvib oʻtishni boshlagan.
  • A kutadi: C quvib oʻtayotganda uning orqasidan chiqib boʻlmaydi.
  • C oʻz tasmasiga qaytgach, A yoʻlning boʻshligini tekshirib, oʻzi quvib oʻtadi.

• oldinda harakatlanayotgan transport vositasi quvib oʻtish, chapga burilish (qayta tizilish) ishorasini bermayotganligiga;

  • B oldinda chapga burilish ishorasini yoqdi va sekinlashdi.
  • A uni quvib oʻtmaydi: B burilmoqda, qarshidan C kelmoqda. A B ning orqasida kutadi.
  • B burilib ketdi: A yoʻlini davom ettiradi.

• quvib oʻtishni tugallayotganda quvib oʻtilayotgan transport vositasiga xalaqit bermasdan ilgari egallagan qatorga qaytib oʻta olishiga ishonch hosil qilishi shart.

  • A B ni quvib oʻtmoqda: chapga burilish ishorasini yoqib, chap tasmaga chiqdi.
  • A B dan oʻtdi, lekin hali juda yaqin: bu yerda qaytsa B ga xalaqit beradi.
  • A oldinga ketaveradi. Xavfsiz masofa ochilgach, oʻng ishora bilan qaytadi.

Bir yoʻnalishda harakatlanayotgan relssiz transport vositalarini har ikki tomonidan oʻzib ketishga ruxsat beriladi. Biroq chapga burilish ishorasini berib, burilishga kirishgan transport vositasini oʻzib ketish oʻng tomondan amalga oshiriladi.

Quvib oʻtilayotgan transport vositasining haydovchisiga harakatlanish tezligini oshirish yoki boshqa xatti-harakatlar bilan quvib oʻtishga toʻsqinlik qilish taqiqlanadi.

Quvib oʻtishni tugallagandan soʻng haydovchi ilgari egallagan harakatlanish yoʻnalishiga qaytishi shart.

Quvib oʻtish quyidagi hollarda taqiqlanadi:

• tartibga solingan chorrahalarda;

  • Svetoforli chorraha: yashil chiroq yonib turibdi, oldinda sekin ketayotgan B.
  • Tartibga solingan chorrahada quvib oʻtish taqiqlanadi: A B ning orqasida qoladi.
  • A chorrahadan B ortida bir tekis oʻtadi.

• tartibga solinmaydigan chorrahalarda asosiy hisoblanmaydigan yoʻllarda harakatlanishda;

  • A ikkinchi darajali yoʻlda, oldida “Yoʻl bering” belgisi. Oldinda sekin B.
  • Tartibga solinmagan chorrahada ikkinchi darajali yoʻlda quvib oʻtish taqiqlanadi.
  • A B ning orqasida chorrahaga kiradi.

• koʻpriklarda, yoʻl oʻtkazgichlarda, estakadalarda va ularning ostida;

  • Oldinda koʻprik, B yuk mashinasi sekin ketmoqda.
  • Koʻprikda, yoʻl oʻtkazgichda, estakadada va ularning ostida quvib oʻtish taqiqlanadi.
  • A koʻprikdan B ning orqasida oʻtadi.

• piyodalar oʻtish joylarida;

  • Piyoda oʻtish joyi: piyoda oʻtmoqda, B toʻxtadi.
  • A B ni quvib oʻtmaydi: oʻtish joyida quvib oʻtish taqiqlanadi, piyodani koʻrmay qolish mumkin.
  • Piyoda oʻtgach, B va uning orqasidan A yurib ketadi.

• temir yoʻl kesishmalarida va ulargacha 100 metrdan kam masofa qolganda;

  • Oldinda temir yoʻl kesishmasi, B yuk mashinasi sekin ketmoqda.
  • Kesishmada va undan 100 m gacha quvib oʻtish taqiqlanadi: A B ning orqasida qoladi.
  • A kesishmadan B ning orqasida oʻtadi.

• quvib yoki aylanib oʻtayotgan transport vositalarini;

  • C avval A ni, soʻng yuk mashinasi B ni quvib oʻtmoqda.
  • Quvib oʻtayotgan C ni quvib oʻtish taqiqlanadi: A chiqmaydi va kutadi.
  • C oʻz tasmasiga qaytdi. Endi A yoʻlni tekshirib, oʻzi qaror qiladi.

• tepalikning oxirida va yoʻlning koʻrinishi cheklangan joylarida;

  • Oldinda tepalik: uning ortidagi yoʻl koʻrinmaydi.
  • Qarshidan C chiqishi mumkin: koʻrinish cheklangan joyda quvib oʻtish taqiqlanadi.
  • A B ning orqasida qoladi. C tepalikdan chiqib oʻtdi.

• 3.20 va 3.22 yoʻl belgilari taʼsir oraligʻida.

  • Yoʻl chetida 3.20 belgisi: quvib oʻtish taqiqlangan.
  • A B ning orqasida ketadi, belgi taʼsir qiladigan oraliqda uni quvib oʻtmaydi.
  • 3.21 belgisidan keyin taqiq tugaydi.

  • Belgi 3.22: 3,5 tonnadan ogʻir yuk avtomobillariga quvib oʻtish taqiqlanadi.
  • Yuk avtomobili A sekin ketayotgan B ni quvib oʻtmaydi, uning orqasida ketadi.
  • Yengil avtomobillar uchun bu belgi taqiq qoʻymaydi.

Aholi punktlaridan tashqaridagi yoʻllarda sekin harakatlanadigan, katta hajmli yoki katta hajmli yuk tashiyotgan transport vositasini quvib oʻtish qiyin boʻlgan hollarda uning haydovchisi ushbu transport vositasini iloji boricha yoʻlning oʻng tomoniga olishi, zarur boʻlganda esa orqasida toʻplanib qolgan transport vositalarini oʻtkazib yuborish uchun toʻxtashi kerak.